Известные имена

Құрметті оқырмандар!

2004 жылдан бастап "Шығыс Қазақстан танымал есімдер" дерекқорын толықтыру жұмыстары жүргізілуде. Жобаның мақсаты – Шығыс Қазақстан өңірінің барлық танымал тұлғалары туралы барынша толық ақпарат жинау. Бүгінгі таңда бұл ақпараттық ресурста біздің жерлес ақын-жазушылар, ғалымдар мен ағартушылар, Ұлы Отан соғысына қатысушылар, Алаш қайраткерлері және басқа да бөлімдер ұсынылған. Бұл – отандастарымыздың тұлға мен тағдырларында біздің бірегей өлкеміздің ортақ портретін жасауға көмектеседі.
Библиография 2018 жылға дейін жинақталғанын хабарлаймыз. Кейінірек түскен әдебиеттерді кітапхана сайтының электрондық каталогынан табуға болады: http://pushkinlibrary.kz немесе бізге мына поштаға хабарласа аласыз: spravka@pushkinlibrary.kz
Дерекқорды толықтыру жұмыстары жалғасуда және Сіз де жаңа есім немесе жаңа өмірбаяндық деректерді ұсына аласыз.  Бұл біздің ортақ жұмысымыз әрі біздің ортақ Үйімізді даңққа бөлеген азаматтар алдындағы борышымыз.

abai r pushkin r kray r  

Кужелев Н.Ф.

kujelevКужелев Николай Федорович (1916- ?] -«Даңқ» Орденінің толық Иегері.

1916 жылы 1 қаңтарда Тамбов облысының  Морашанскауданындағы Александровка селосында туылған. 1939 жылдың желтоқсан айынан Қызыл Армия қатарында, 1941 жылдың тамыз айынан Отан соғысына қатысқан. 42-ші гвардиялык атқыштар дивизиясының (40-шы армия, 2-ші Украина майданы) 44-ші дербес барлау ротасы командирінің көмекшісі болған. 1944 жылдың 19 наурызында Кужелев бір топ барлаушыларды басқарып, Лозовое селосында (Украина) көпірді бұзғалы жаткан жау саперларының үстерінен түсіп, төртеуін өлтіреді, калғандары қашып құтылады. Аман қалған көпір біздің жауынгерлердің арғы бетке кедергісіз өтулеріне мүмкіндік береді. 1944 жылдың 21 наурызында Кужелев басқарған атты әскер барлаушылар тобы Слободище қаласының (Житомир облысы) оңтүстік батысындағы жау позициясына кенеттен басып кіріп, сегіз фашистің көзін жойып, екеуін түтқынға алады.

1944 жылы 18 мамырда ІІІ- дәрежелі Даңқ орденімен марапатталады.

1944 жылдың 24 тамызында Кужелев атты әскер барлаушылар тобында Цибукан-де-Сус (Молдова) елді мекені тұсындағы ұрыста ерекше көзге түсті. Барлаушылар жауды қоршап алғаннан кейін үлкен бір топты қарусыздандырып, миномет, басқа да қару-жарақтар мен толып жатқан әскери заттарды олжалады.

1944 жылдың 4 қыркүйегінде барлау тобымен жасырын Дердьо, Тэлдьешь (Венгрия) елді мекеніне жасырын келіп, кұнды мәлімет берген екі тұтқынды алып келді.

1944 жылы  20 қыркүйекте ІІ- дәрежелі Даңқ орденімен марапатталады.

1945 жылы 28 сәуірде І- дәрежелі Даңқ орденімен марапатталды.

1945 жылдың маусым айында әскер қатарынан босады. Семей облысының  Мақаншы ауданы Благодарное селосында, кейіннен Алматы облысының Қаскелең қаласында тұрған. Талдықорған облысы Киров ауданы Айнабұлақ станциясында жерленген.

Әдебиеттер:

  • Белан П. С, Потапов А. В., Честнов С. И. Доблесть солдатская. — Алма-Ата, 1974.
  • Кавалеры ордена Славы трех степеней: Краткий биографический словарь. — М., 2000.
  • Подвиги героев бессмертны. - Псков, 2005.
  • Полные кавалеры ордена Славы. Биографический словарь. Т.1. - М., 2010.
  • Рухы күштілер/Сильные духом. – Усть-Каменогорск, 2015.

Интернет-ресурстар: