Латкин Евгений Петрович (1950-1981) - дәрігер, аға лейтенант, полктің медициналық қызмет бастығы.
1950 ж. 30 қаңтарда Алтай өлкесі, Солонешенский ауданы, Мульчиха селосында дүниеге келген. 1967 ж. Семипалатинск қаласындағы В.Н. Комаров атындағы №2 орта мектепті бітіреді.
1968-1970 жж. шекара әскерінде жедел әскери қызметте болады.
1974 ж. Семей медицина институтына оқуға түсіп, кейін Томск медицина институтына ауысады.
1980 ж. Томск медицина институтының әскери-медицина факультетін аяқтап, КСРО Қарулы Күштері қатарына шақырылады. Белорецк, Куйбышев (қазіргі Самара) қалаларында әскери борышын өтейді.
1981 ж. мамыр айында Ауғанстанға әскери борышын өтеуге жіберіледі.
1981 ж. 28 шілдеде жауынгерлік тапсырманы орындау барысында қаза тапты. 1981 ж. 9 тамызда Шығыс Қазақстан облысы, Ұлан ауданы, Белая Гора кентінде жерленді.
1982 ж. 4 ақпандағы КСРО Жоғарғы Кеңесі Президиумының Жарлығымен Қызыл Жұлдыз орденімен марапатталды (қаза тапқаннан кейін).
Әдебиеттер:
Азалы кітап : ауған жеріндегі әскери қимылдар барысында қаза тапқан шығысқазақстандық жауынгерлер (1979-1989 жж.) = Книга памяти : воины - восточнокахстанцы, погибшие во время боевых действий в Афганистане (1979-1989 гг.) / "Ауғанстандағы соғыс ардагерлерінің Өскемен ұйымы" қоғамдық бірлестігі ; "Ауған соғысы және Семей қаласындағы жергілікті соғыстардың соғыс ардагерлері мен соғыс мүгедектері" қоғамдық бірлестігі ; А. С. Пушкин атындағы Шығыс Қазақстан облыстық кітапханасы ; Абай атындағы Шығыс Қазақстан облыстық кітапханасы. - Өскемен : [б. и.], 2014. - Б. 124-125.