Известные имена

Құрметті оқырмандар!

2004 жылдан бастап "Шығыс Қазақстан танымал есімдер" дерекқорын толықтыру жұмыстары жүргізілуде. Жобаның мақсаты – Шығыс Қазақстан өңірінің барлық танымал тұлғалары туралы барынша толық ақпарат жинау. Бүгінгі таңда бұл ақпараттық ресурста біздің жерлес ақын-жазушылар, ғалымдар мен ағартушылар, Ұлы Отан соғысына қатысушылар, Алаш қайраткерлері және басқа да бөлімдер ұсынылған. Бұл – отандастарымыздың тұлға мен тағдырларында біздің бірегей өлкеміздің ортақ портретін жасауға көмектеседі.
Библиография 2018 жылға дейін жинақталғанын хабарлаймыз. Кейінірек түскен әдебиеттерді кітапхана сайтының электрондық каталогынан табуға болады: http://pushkinlibrary.kz немесе бізге мына поштаға хабарласа аласыз: spravka@pushkinlibrary.kz
Дерекқорды толықтыру жұмыстары жалғасуда және Сіз де жаңа есім немесе жаңа өмірбаяндық деректерді ұсына аласыз.  Бұл біздің ортақ жұмысымыз әрі біздің ортақ Үйімізді даңққа бөлеген азаматтар алдындағы борышымыз.

abai r pushkin r kray r  

Шапатов М.

Шапатов Манап (1919-1973) - Ұлы Отан соғысының қатысушы, партизан.

1919 жылы Шығыс Қазақстан обылысы Тарбағатай ауданы Ақжар селосында туған. 1939 жылы Совет Армиясы қатарына шақырылған. 1940 жылы Ақ Финдерге қарсы соғысқа қатысты. 1941 жылдың 22 - маусымында Фашистік Германиямен соғыс басталған күннен бастап майданда болған.

1941 ж. тамыздың соңында Гомель түбінде 519-кавалериялық полк жау қоршауына түсті. Жауынгерлер мен офицерлер блокаданы бұзып-жарып шықты. Манап Шапатов бірнеше жауынгер достарымен «Большевик» бригадасының В. И. Чапаев атындағы партизан отрядына қосылып, онда 2 жыл жаумен шайқасты. Ол ержүрек пулеметші, взвод командирі болды. Отряд командирі Моряков және комиссар Зубарев жазған әскери мінездемеде: «Шапатов белсенді диверсант болды: оның жауынгерлік есебінде 8 жау эшелоны, 1 бронепоезд, сондай-ақ, диверсиялық топ құрамында 17 жау автокөлігін әскери күштерімен бірге жойды» - деп жазылған.

Манап Шапатов «1-дәрежелі Отан соғысы ордені», «2-дәрежелі Ұлы Отан соғысының партизаны», «Ерлігі үшін», «Жауынгерлік ерлігі үшін» медальдарының иегері. Соғыстан кейін 1946 жылы туған жері Тарбағатайға оралады. Ақжар совхозында жұмыс істейді, көпшілік жұмыстармен айналысады. Аудандағы беделді азаматтың бірі болды. 1973 жылы дүниеден өтті.

 

Деректер

Источники

 

Едыгенов, Н. Участие казахстанцев в партизанском движении в Белоруссии[Текст] / Н. Едыгенов. - Алма-Ата, 1972. - С.164-166.

Наумов, Д. Ф. Лесная война [Текст] / Д. Ф. Наумов. - Алма-Ата, 1971. - С. 99.

Далелова, Н. Мы не забудем никогда [Текст] : [о ратном подвиге в годы ВОВ партизана М. Шапатова, уроженца Тарбагатайского р-на] / Н. Далелова // Рудный Алтай. - 2013. - 9 мая. - С. 9.

Marples, D. Our Glorious Past': Lukashenka's Belarus and the Great Patriotic War[Тext] : [there is a mention ofManatShapatov]/D.Marples. – ibidem-Verlag : Stuttgart, 2014. – P. 146.